Këtë edicion të pestë të “Dance With Me”, jurisë i është bashkuar ambasadori i artit shqiptar përtej kufijve, balerini Kledi Kadiu.
Krah Alketa Vejsiut, Kadiu u shpreh tejet i lumtur që është pjesë e këtij produksioni të Televizionit Klan.
“Emocionet janë të papërshkruara, sepse të jesh përpara publikut ku kam lindur, ku kam jetuar dhe kam mësuar zanatin është e papërshkrueshme. Faleminderit për këtë ftesë. Kam dy anëtarë të jurisë që janë fantastikë”.
Balerini me famë ndërkombëtare kishte edhe një përshëndetje të veçantë.
“Një dëshirë kisha, të përshëndes për herë të parë larg nga vendi ku jetoj, në Itali, nusen time Charlotte dhe një puthje të madhe për vajzën time Lea.
Krah Kledi Kadiut, në juri rikthehen për të pestën herë dy anëtarët e tjerë, Valbona Selimllari dhe Robert Aliaj.
