Tepelena festoi dje 75-vjetorin e çlirimit ndërsa pas homazheve në varrezat e Dëshmorëve, ishte organizuar edhe një drekë me veteranë dhe familjet e dëshmorëve të këtij qyteti.
Në një video të publikuar nga dreka në fjalë, shfaqet kryebashkiaku i Tepelenës, Tërmet Peçi duke kënduar këngë polifonike kushtuar Enver Hoxhës.
‘Enver Hoxha kapedani’, është refreni i këngës që përsëritet disa herë teksa Tërmet Peci shoqëron në këngë, Golikun e grupit të Bëncës.
Kryebashkiaku i Tepelenës ka shkuar edhe më tej, ku një moment, kur përmendej emri i Enver Hoxhës në këngë, ka nderuar edhe me grusht, simbolin e komunistëve.
