Pak pas nisjes së avionit që mban emrin e Lasgush Poradecit, të kompanisë ajrore ‘Air Albania’, deputeti Endri Hasa përsëriti akuzat e tij se kompania ajrore e parë shqiptare nuk është e licensuar dhe se ky është vetëm një fluturim shtesë i ‘Turkish Airlines’.
Hasa thotë se kryeministri Edi Rama po mashtron duke keqpërdorur 80 studentët e ekselencës që ishin pasagjerët e parë të përzgjedhur për këtë fluturim.
“Vettingu ne politike e ka shfazuar Edi Ramen! Mashtron shqiptaret, keqperdor studentet, jep shfaqje me nje kompani qe nuk eshte e licensuar per fluturim me kodin shqiptar.
Sot nga Rinasi ne oren 8.30 nuk u nis asnje avion i Air Albania, sic genjeu Edi Rama. Per shfaqjen qesharake te kryeministrit ne hall u perdor kompania “Turkish Airlines” TK6888.
Te dhenat online nga aeroporti i Rinasit tregojne se ky eshte nje fluturim shtese i Turkish Airlines, sepse Air Albania nuk ekziston pervecse ne reklamen luksoze te Edi Rames. Vettingu i politikes do ta fluturoje Edi Ramen nga zyrat e shtetit, qe i perdor per te vjedhur, mashtruar dhe sunduar shqiptaret!”, shkruan Hasa.
Deputeti ka publikuar edhe një dokument që sipas tij e vërteton këtë.
