Fëmijët që po i shihni në fotografi, sot janë në lidhje me njëri-tjetrin, dhe është bërë çifti më i përfolur në showbizin shqiptar.
Bëhet fjalë për reperin nga Ferizaj, Mozzik dhe Loredana Zefin, me të cilën artisti është në lidhje prej vitesh.
Mozziku zgjodhi këtë imazh për ta paralajmëruar edhe njëherë këngën e tyre të përbashkët e cila do të publikohet nesër.
Sipas përshkrimit, projekti mbanë titullin ‘Bonnie and Clyde’, por nuk është bërë e ditur në çfarë ore do të lëshohet në youtube.
Ky është dueti i parë mes tyre, pasi Loredana i hyri muzikës dhe deri tani numëron vetëm një projekt i cili erdhi në gjuhën gjermane pasi artistja jeton në Zvicër, atje ku Mozzik shkoi për të qenë sa më afër saj.
Kujtojmë që Mozzik nuk ka qenë i pranishëm në koncerte këtë vit pasi ai dhe vëllai i tij Getinjo kanë thënë se për shkak të disa planeve të mëdha, s’do të jenë pjesë e mbrëmjeve në asnjë klub nate.
Megjithatë, të dy sollën projekte të reja dhe morën miliona klikime në youtube.
