Aktorja e famshme Sally Field ka dhënë një intervistë për “New York Times”, ku ka rrëfyer për herë të parë se si është abuzuar seksualisht gajtë fëmijërisë nga njerku i saj.
Gjatë rrëfimit rrëqethës, 71-vjeçarja ka zbuluar se ka bërë edhe një abort sekret në moshën 17-vjeçare. Fituesja e dy herë e çmimit “Oscar” ka treguar se si ai e thërriste në dhomën e tij të gjumit dhe më pas abuzonte seksualisht me të.
Në këtë intervistë, Sally tregon gjithashtu se si i tha nënës së saj të vërtetën e frikshme. Aktorja nuk ia ka thënë të vërtetën menjëherë, por vite më vonë ndërkohë që ajo ishte diagnostikuar me kancer.
“New York Times” shkruan se nëna e saj kur u përball me sekretin e së bijës, pavarësisht se ishte në ditët e saj të fundit, e siguroi vajzën e saj se nuk do të ishte më vetëm në dhimbjen e saj.
“Do të ishte shumë më e lehtë nëse do të kishte ndodhur vetëm një herë, por Jocko nuk ishte gjë tjetër veçse një qenie mizore dhe e frikshme”, thotë aktorja teksa i drejtohet njerkut të saj të cilin e thërrisnin me nofkën Jocko.
Ajo i shpjegoi nënës së saj se nuk ishte një incident i vetëm, por një sërë veprash që e shoqëruan gjatë adoleshencës së saj.
