Nga Boldnews.al
Komisioni Europian ktheu ligjin për prishjen e Teatrit Kombëtar, por vetëm sa mund të ketë shtyrë në kohë shembjen e objektit, pasi qeveria dhe Bashkia Tiranë nuk janë tërhequr nga nisma e tyre. Në letrën që kreu i seksionit të Shqipërisë dhe Bosnje Hercegovinës në Drejtorinë e Zgjerimit të Komisionit Europian, Michaela Matuellai dërgoi qeverisë shqiptare thuhej: “Komisioni mirëpret angazhimin e autoriteteve shqiptare për ta amenduar Ligjin Special me qëllimin futjen e një thirrje për tender të hapur për zbatimin e projektit të zhvillimit të Teatrit Kombëtar, ku çdo kompani private mund të aplikojë me një projekt-propozim”.
Me të drejtë Komisioni Europian konstatoi parregullsi, e mbi të gjithë mungesë konkurrencë, pasi gjithçka ishte paracaktuar në ligjin e mëparshëm, ku e drejta e shfrytëzimit iu dha firmës “Fusha sh.p.k”, për të ndërtuar shtatë kulla, me kusht që kjo kompani të ngrinte një godinë 3 kate të Tetarit të ri Kombëtar.
Europa kërkon garë të ndershme, por çfarë pritet që të ndodhë është tashmë e paracaktuar. Lali Eri i Bashkisë Tiranë dhe kreu i qeverisë Edi Rama do të hapin sa për procedura një gjoja garë, ku mund të marrin pjesë tre ose më shumë kompani, dhe në fund do të fitojë sërish Fusha.
Kompanitë mund të kontaktohen nga vetë Fusha si nder për të marrë pjesë, ku sërish për procedurë do të ofrojnë shifra më të larta dhe në këtë mënyrë “ligjërisht” kompania Fusha do të përfitojë. Pasi të mbyllen procedurat e tenderimit, Lali Eri premton shoë. Para kamerave do të hapë zarfet e tenderit, ku pasi të shyqrtohen ofertat, “filmi” mbyllet me fund të lumtur, Fusha shpallet fituese. Teatri do të rrafshohet, tashmë edhe me gjoja procedurë të rregullt, ndërsa Lali Eri dhe Edi Rama do ndajnë të mirat mes tyre, pasi bëhet fjalë për një pasuri që shkon deri në 200 milionë euro.
