Gjigantët fqinjë, Rusia dhe Kina planifikojnë të përdorin monedhat e tyre më shpesh në marrëveshjet tregtare, tha presidentit rus Vladimir Putin të martën. “Rusët dhe kinezët konfirmuan interesin e tyre për përdorimin e monedhave kombëtare më aktive në pagesat reciproke”, tha Putin në një konferencë të përbashkët me liderin kinez Xi Jinping pas bisedimeve në Forumin Ekonomik Lindor (EEF) në qytetin rus të Vladivostok.
Putin tha se kjo do të “rriste stabilitetin e shërbimit të bankave për operacionet e eksportit dhe importit, ndërsa ka rreziqe të vazhdueshme në tregjet globale”.
Rusia kërkon gjithnjë e më shumë investime nga Kina, pas një rënie të mprehtë të në marrëdhëniet me Perëndimin pas aneksimit të Krimesë në vitin 2014 dhe mbështetjes për rebelët pro-rusë në Ukrainën lindore.
Kina po kërkon aleatë mes kritikave në rritje të militarizimit të saj në Detin e Kinës Jugore dhe akuzave të vazhdueshme për shkeljet e të drejtave të njeriut dhe praktikat e padrejta tregtare.
Presidenti Xi Jinping tha të martën se Rusia dhe Kina duhet të punojnë së bashku për të kundërshtuar proteksionizmin tregtar dhe atë që ai e quajti qasje të njëanshme ndaj problemeve ndërkombëtare.
“Në një situatë ndërkombëtare në ndryshim të shpejtë me paqëndrueshmëri dhe paparashikueshmëri në rritje, bashkëpunimi midis Rusisë dhe Kinës merr më shumë rëndësi”, tha Xi.
