U lidhën bashkë dhe që atëherë nuk janë ndarë më. Madje edhe rrugën e famës po e bëjnë së bashku e shumë shpejt nga ta pritet një bashkëpunim.
Reperi i famshëm ferizajas Mozzik dhe partnerja e tij, Loredana Zefi, jetojnë së bahsku në Zvicër e madje po presin një fëmijë.
Mozzik që u largua nga labeli nën menaxhimin e të cilit ishte, tani ka krijuar produksionin e tij të quajtur “2 euro music” dhe pritet të sjellë bashkëpunim me Loredanën.
Përderisa për reperin ky do jetë njëri ndër dhjetëra projektet e publikuara, për Loredanën është kënga e dytë.
Zefi para ca muajsh publikoi këngën e saj të parë “Sonnenbrille” e cila rezultoi të jetë shumë e suksesshme dhe u prit mirë nga fansat e saj, ndërsa tani ajo ka paralajmëruar këngë me të dashurin e saj Mozzikun.
