Federata Shqiptare e Futbollit ka përcaktuar kalendarin e javës së 4-t të Kategorisë Superiore e cila do të luhet e gjitha në 3 ditë.
Gjithçka do të nisë të shtunën e 15 shtatorit me dy sfida shumë interesante edhe pse duhet theksuar se këtë herë sfidat do të luhen një orë më herët se në 3 javët e para.
Të shtunën në orën 15:45 do të ngrejë siparin e javës së 3-të, takimi Kamza-Kastrioti që do të sjellë edhe debutimin e Klodian Duros në stolin e skuadrës nga periferia e kryeqytetit.
Në orën 18:45 të së shtunës do të luhet edhe një nga sfidat më interesante të kësaj jave, Teuta-Kukësi. E diela nis me duelin Laçi-Partizani në orën 15:45 për të vazhduar me Tirana-Luftëtari në orën 18:45.
Java e 4-ët mbyllet të hënën me supersfidën e Vlorës, Flamurtari-Skënderbeu që mund të përcaktojë edhe skuadrën që do të kryesojë e vetme kampionatin pas javës së 4-t. Ky takim do të luhet në orën 19:45.
