Jarrod Camara dhe Leslie Walker janë martuar në Kaliforni, ndërsa para ceremonisë, një mik i tyre e kishte parë aktorin Keanu Reeves në një lokal, të veshur me veshje për motoçikletë.
Më pas, çifti martesor i është lutur yllit hollivudian për një fotografi dhe ai ka pranuar me kënaqësi.
Fotografia, të cilën ata e publikuan në rrjetet sociale është shpërndarë shumë, sidomos në forumin e Reddit për Reeves.
Jordan Camara, vëllai i dhëndrit, ka thënë për Huffington Post se aktori ishte i mrekullueshëm.
“Keanu erdhi, u foli për dore të gjithëve dhe pastaj e bëri atë pozë fantastike, të cilën e shihni në fotografi”.
“Ishte shumë i qetë dhe i këndshëm. Gjithçka ndodhi pak minuta para martesës, ndërsa nusja dhe dhëndri ishin tejet të gëzuar”, ka thënë Jordan.
