Është folur shumë këto kohë për ish-kampin e Tepelenës, por jo të gjithë e dinë që pas zhurmës ka edhe një fond të posaçëm të dhënë për propagandimin e idesë së barazimit mes Tepelenës dhe Aushvicit.
DITA posedon një kopje të dokumentacionit, ku mësohet se janë dhënë deri tani 140 mijë euro për këtë projekt, fond për të cilin mungon tërësisht transparenca, ndaj disa pyetje janë të paevitueshme:
Kush jep llogari për këto para? Dhe a mund të bëhet publike mënyra e shpenzimit të tyre në dobi të ish – të persekutuarve në këtë kamp?
Çfare marrin apo cfarë përfitojnë këto familje nga ky fond?
Përse Ministria e Kulturës është kaq shumë e përfshirë në një projekt, i cili po krijon përplasje me komunitetin? Dhe për çfare arsyesh kjo Ministri i shpall barakat italiane monument kulture kur shumë monumente kulture në Tiranë po hiqen nga lista?
Sipas dokumentacionit që posedon DITA vetëm ai që përcaktohet në kontratë si “ideatori i projektit”, i financuar nga PNUD dhe Ambasada italiane, paguhet të paktën 200 Euro në ditë x 140 ditë të parashikuara = 28,000 Euro.
Sa mësues, edukatore kopshti e çerdhesh, apo mjekë e infermiere në Tepelenë e Memaliaj, etj, do të ishin mbuluar si pagë me këto lekë të PNUD-it???
Projekti tenton të paktën në nivel propagande për qëllime ende të panjohura të barazojë Tepelenën me Aushvicin në një nga vendet e spikatura për ndihmën ndaj hebrenjve siç është Shqipëria.
Edhe titulli i projektit është sa qesharak aq edhe i kërkuar: “Remembracne to heal and prevent”. Konotacioni me Holokaustin – remembrance – është krejt i qartë.
Zhurma e deritanishme ka realizuar vetëm urrejtje dhe përçarje, kinse me idenë absurde se komunizmi mund të kthehet në Shqipëri, prandaj duhet edhe ky projekt, “për ta parandaluar”.
/ dita /
