Presidenti i Republikës, Ilir Meta, në një dalje për media pas dhurimit të gjakut të punonjësve të Zjarrfikëses së Tiranës, në kuadër të Aleancës për Dhurimin e Gjakut.
Meta tha se Kuvendi është sovran për të marrë vendime, por shtoi se këto vendime duhet të jenë në përputhje me standardet e Bashkimit Evropian.
Z. Meta, si e komentoni shtyrjen nga Kuvendi të dekretit për ligjin e Teatrin Kombëtar?
Kuvendi është sovran për të vendosur sipas procedurave dhe përgjegjësive të veta dhe unë s’kam asnjë koment për këtë çështje.
Nëse mazhoranca do ta rrëzojë dekretin e 20 shtatori, cili do të jetë hapi që do të ndërmerrni?
Une s’kam asnjë arsye të paragjykoj vendimet e Kuvendit veçse do të dëshiroja që t’i uroja Kuvendit, punë të mbarë, meqënëse sapo ka riçelurpunimet dhe të ritheksoja rëndësinë e një bashkëpunimi sa më të përgjegjshëm, sidomos përsa i takon atyre detyrimeve dhe angazhimeve që Shqipëria ka në kuadër të procesit të integrimit euriopian.
Opozita kërkon ndryshimin e Kushtetutës për te realizuar Vetting dhe në politikë. Ju si e shihni këtë nismë?
Nnuk kam asnjë koment për iniciativa, por shpresoj në një bashkëpunim dhe lexim të përbashkët të atyre sfidave me të cilat duhet të përballet politika shqiptare, në mënyrë të bashkuar për të garantuar pikërisht çeljen e negociatave më anëtarësim vitin e ardhshëm.
