Gjykata Supreme në Indi ka vendosur se seksi brenda së njëjtës gjini nuk përbën më vepër penale. Ky vendim historik shfuqizon vendimin e vitit 2013, kur sanksioni me numër 377 e kategorizonte seksin homoseksual si një “vepër të panatyrshme”. Ky është një nga ligjet më të vjetra në botë që penalizon seksin brenda së njëjtës gjini, dhe që India hezitonte ta shfuqizonte.
Edhe pse opinioni publik në Indi dhe në qytetet më të mëdha në vend ka qenë në favor të heqjes së këtij ligji, grupet fetare dhe komunitetet konservatore e kundërshtojnë fort. Por, vendimi i Gjykatës së Lartë që nuk e përcakton vepër penale këtë marrëdhënie, përbën një fitore të madhe për komunitetin LGBT në Indi.
Sanksioni 377 është një ligj 157-vjeçar që daton prej epokës koloniale dhe disa veprime seksuale, përfshirë seksin brenda së njëjtës gjini, i dënon me 10 vite burgim.
