Interi do të rikthehet të luajë në Ligën e Kampionëve, me ndeshjen ndaj Tottenhamit më 18 shtator, por rivali i shumëpritur nga zikaltrit, është skuadra tjetër e grupit, Barcelona.
Këtë e konfirmon edhe Milan Skriniar, qendërmbrojtësi sllovak që gjithmonë e më shumë po merr rolin e liderit në skuadrën zikaltër të drejtuar nga Luciano Spalletti.
“Mezi pres të luaj në Champions dhe të përballem me Messin. Por dua të luaj edhe kundër Cristiano Ronaldos. Ardhja e tij në Serinë A, është një lajm i mirë për të gjithë futbollin italian, pasi sytë e botës janë rikthyer edhe njëherë këtu. Ndjehem në formë dhe dua të përballem me ta”, deklaroi Skriniar.
Sllovaku mungoi në ndeshjen e parë për shkak të një debutimi, por luajti në dy takimet e radhës, ndërsa fundjavën që lamë pas, Interi gjeti edhe fitoren e parë në kampionat, duke mposhtur Bolognën me rezultatin 0-3.
“Ndaj Bolognës morëm atë që donim, ndonëse me shumë mundim. Ishim disi të nervozuar për atë start të dobët të kampionatit, ndaj donim të reagonim. Dëmtimi im është harruar tashmë dhe jam gati për një sezon mjaft të mirë”, tha qendërmbrojtësi sllovak.
