Kreu i PD-së, Lulzim Basha ka mbledhur sot në seline blu deputetët e grupit të tij parlamentar.
Mbledhja nisi paraditen e sotme dhe u mbyll pak pas orës 11:00. Në këtë takim, në qendër të diskutimeve ka qenë mes të tjerash edhe sjelljen e re të demokratëve në raport me Parlamentin.
Në sesionin që lamë pas, opozita vendosi një marrëdhënie të kushtëzuar me Parlamentin ku merrte pjesë vetëm në seancat plenare dhe komisionet, ku diskutohej çështja e Teatrit të ri.
Mësohet se Basha ka thënë se prioritet është ndërprerja e lidhjeve të qeverisë me krimin.
Po ashtu gjatë mbledhjes mësohet të jetë thënë se PD nuk do të ndalet me të gjitha mjetet, dhe do të ketë propozime ligjore për ndalur korrupsionin galopand dhe shpenzimet e luksit të qeverisë.
Basha ka qenë ai që ka folur në këtë mbledhje ku ka diskutuar për problemet e drejtësisë dhe ka thënë se procesi i Vettingut ka qenë që në fillim i korruptuar dhe po bëhet për të kapur KLGJ-në dhe KLP-në.
Burime bëjnë me dije se grupi i deputetëve të PD do të zhvillojë një tjetër mbledhje në orën 15:00, pasi Basha ka pasur takime dhe mbeldhja është ndërprerë.
