Opozita ka bojkotuar seancën e sotme plenare, të parën për këtë sesion parlamentar, duke udhëtuar drejt Shkodrës.
Nisur nga situata e ditëve të fundit në këtë qytet, opozita ka vendosur që të zhvillojë një mbledhje të jashtëzakonshme si mesazh kundër krimit. Nga Shkodra, deputeti i Partisë Demokratike, Ervin Salianji tha se krerët e opozitës do të marrin një vendim të rëndësishëm.
“Shkodra është e tronditur nga situata alarmante, me rastet e krimit. Pritet një vendimmarrje nga krerët e opozitës gjatë këtij takimi”,- u shpreh Salianji.
Sipas PD, kjo mbledhje vjen si mesazh qëndrese kundër krimit. Në tre muajt e fundit kanë ndodhur 6 vrasje mafioze, dhe janë zhdukur dy persona.
