Largohet nga detyra Drejtori i Përgjithshëm i Burgjeve Arben Çuko, ndërsa vendin e tij e ka zënë Stefan Çipa. Ndryshimi i beftë është bërë publik pak çaste më parë, ku në një njoftim nga Ministria e Drejtësisë konfirmohet kjo lëvizje, me pretendimin se me këtë ndryshim do të përmirësohet puna në burgjet e vendit. Më poshtë njoftimi zyrtar:
Largohet nga detyra e Drejtorit të Përgjithshëm të Burgjeve, z.Arben Çuko dhe në vend të tij emërohet z.Stefan Çipa.
Ky ndryshim bëhet për të përmirësuar punën e Drejtorisë së Përgjithshme të Burgjeve, veçanërisht në drejtim të rritjes së sigurisë së brendshme dhe kontrollit si dhe rritjes së efikasitetit të luftës kundër korrupsionit në sistemin e burgjeve.
