I ndodhur në Shkodër me grupin e deputetëve dhe aleatët, kryetari i PD Lulzim Basha ka lëshuar një deklaratë të fortë, ku sipas tij pas ngjarjeve të fundit kriminale janë rrëmbyer edhe dy fëmijë.
“Në më pak se tre muaj në këtë qytet kanë ndodhur 6 vrasje mafioze dhe janë rrëmbyer dy persona dhe dyshohet më e keqja. Nga mediat lokale raportohet edhe rrëmbimi i dy fëmijëve por për fat të mirë janë liruar pasi mafia ka arritur qëllimin e gjobëvënies”, ka thënë Basha.
Gjithashtu, Lulzim Basha është shprehur se mesazhi i parë i mbledhjes në Shkodër është qëndresa pakompromis kundër bandave dhe krimit të organizuar.
