Ndërkohë që Interi regjistroi fitoren e parë në kampionat, duke mposhtur 0-3 Bolognën, braziliani i zikaltërve, i huazuar te Santos, Gabriel Barbosa shkëlqeu në sfidën nda Vasco De Gamas në kampionatin e Brazilit.
Gabigol arriti të shënojë të tre golat në triumfin 0-3 të Santosit, duke merituar duartrokitjet e publikut dhe duke marrë topin në shtëpi, në përfundim të takimit. Sulmuesi zhvilloi një ndeshje në kufijtë e perfektes, ku krahas golave, ishte i papërmbajtshëm në inkursione dhe nxori pasime të bukura edhe për shokët e skuadrës.
Mediat braziliane “ngritën në qiell” sulmuesin në pronësi të zikaltërve, duke theksuar se tashmë mund të thuhet me plot gojë që Gabigol është rikthyer ai i mëparshmi, që bindi Interin të paguante 30 milionë euro para dy vitesh për ta blerë.
Huazimi i Gabigol te Santosi përfundon në Dhjetor të këtij viti dhe vetëm më pas do të vendoset nëse Interi do ta rikthejë në Milano, apo do të negociojë shitjen përfundimtare të tij te skuadra braziliane.
Për koeçidencë fitorja e fundit e Interit në Bolognia ishte vendosur pikërisht nga goli i Gabigol.
https://www.youtube.com/watch?v=de-EppOGYUs
