Ngjarjet kriminale, më e fundit ajo e ekzekutimit të biznesit, Arjan Ferracaku në Shkodër, ka bërë që ministri i Brendshëm, Fatmir Xhafaj të bëjë një paralajmërim të fortë për drejtuesit e policisë.
Duke cituar burime kofidenciale Report Tv raporton se Xhafaj ka mbledhur në një takim në Ministrinë e Brendshme drejtuesit e lartë të policisë në vend me në krye Drejtorin e Përgjithshëm të Policisë së Shtetit, Ardi Veliu. Xhafaj ka paralajmaruar se nëse nuk ka zbardhje të ngjarjeve të fundit kriminale, atëherë ata do largohen nga detyra brenda muajit tetor. Të njëjtat burime theksuan se Xhafaj ka folur me tone të ashpra ndaj drejtuesve te policisë.
