Automjete e banesa u përmbytën si pasojë e reshjeve të dendura të shiut që përfshinë Veronën, ashtu si gjithë rajonin verior të Venetos.
Situata alarmante detyroi drejtuesit rajonalë të shpallin gjendjen e emergjencës. 170 mm shi kanë rënë brenda 24 orëve. Në shumë zona, ekipet e emergjencës lundruan me gomone për të shpëtuar banorët e bllokuar në shtëpitë e përmbytura.
Me hyrjen e Shtatorit, moti i keq ka mbuluar jo vetëm Italinë Veriore por gjithë vendin. Përmbytje pati edhe në Romë, ku reshjet e dendura sfutën në kaos qarkullimin rrugor. Megjithë përmbytjet e mëdha, jo të gjithë e morën situatën seriozisht, madje u shfrytëzua edhe për not.
