Kristiano Ronaldo ka qenë një talent i padiktueshëm dhe të mendosh që përpara Juves dhe Mançester Junajtid që më pas e bleu, portugezi mund të kishte përfunduar te Parma. Në verën e vitit 2003, trajneri i asaj kohe tek emilianët, Çezare Prandeli, e kishte parë lojtarin në aksion dhe menjëherë i ishte lutur Stefanos, djalit të presidentit Kalisto Tanzi: “Ky Kristiano duhet blerë me çdo kusht. Është fantastik”.
Dhe Stefano ishte hedhur menjëherë në aksion duke ofruar shifrën e majme Sportingut: 12.5 milionë euro, gjysmën e parave që kishin përfituar nga shitja e Adrian Mutusë te Çelsi. Por kur Arrigo Saki, në atë periudhë drejtor teknik te Parma, mori vesh lajmin, “grisi” akordin me portugezët dhe CR7 përfundoi te Junajtid.
