Çdo muaj një nëne i thyhet zemra për të birin 2 vjeç e gjysmë, të cilin duhet ta shtrojë në spital për t’i shpëtuar jetën.
Henry i vogël mund të duket i lumtur dhe me fizik perfekt në pamjen e jashtme, por ai ka nevojë për transfuzion gjaku çdo 3-4 javë për të shpëtuar nga vdekja.
E ëma dhe i ati përballen me detyrën e vështirë për t’i thënë që duhet të kthehet sërish në spital për të kryer procedurën.
Ai është plotësisht i vetëdijshëm për atë që ndodh, por në vend që të qajë, të bërtasë apo të refuzojë të shkojë, është aq trim sa thjesht përgjigjet: “Oh po, emocionuese!”
Ndërsa e ëma e tij, Zoe Alderson thotë për Mirror Online: “Ai me shumë mundësi mezi pret dhomën e lojërave (në spital)”.
Gjatë transfuzionit Henry i duhet të mbajë një age në vena, por nuk frikësohet aspak.
Zoe shtoi: “Ai tanimë e sheh si një pjesë të jetës së tij. Kur ishte më i vogël ishte shumë e vështirë, pasi bërtiste dhe lëvizste”.
Henry, fëmija i lumtur që e dashuron jetën, vuan nga Diamond-Blackfan Anaemia (DBA), një çregullim gjenetik, që është kërcënues për jetën.
Palca e kockës nuk mund të prodhojë mjaft rruaza të kuqe për ta mbajtur gjallë, ndaj ai ka nevojë për transfuzion çdo muaj.
Henry Alderson është i vetmi person në botë që ka një tjetër mutacion geni, çka mund t’i zhvillojë kancerin e gjakut në të ardhmen.
E vetmja gjë që mund të transformojë jetën e të riut është transplanti i palcës së kockës.