Son Heung Min është shumë pranë përjashtimit nga shërbimi ushtarak në Korenë e Jugut. Kjo pasi sulmuesi i Tottenham Hotspur ka arritur në finalen e Lojrave aziatike dhe Japonia është pengesa e fundit drejt objektivit.
Vetëm në sajë të një fitore ai mund të shmangë shërbimin ushtarak dhe ai do të ndjekë karrierën e tij si futbollist në Premier League, ndërsa nëse humbet, armën në dorë dhe “luftë” me Korenë e Veriut.
Son luajti në gjysmëfinalen e fituar nga Koreja e Jugut kundër Vietnamit 3-1, por golat e fitoren nuk erdhën nga këmbët e tij. Por talenti i Son do të shikohen në 90 minutëshin finalen, në një lojë që premton të jetë e vështirë kundër Japonisë. 26 vjeçari duhet të kujdeset që gjithçka të shkojë mirë , pasi i duhet të marrë në shtëpi medaljen e artë për të shmangur thirrjen në ushtri.
Shërbimi ushtarak në Korenë e Jugut është i detyrueshëm për të gjithë njerëzit që mbushin moshën 28 vjeçare. Ata duhet të kalojnë 21 muaj në ushtri, duke fituar 100 euro në muaj, ndërkohë që ata që arrijnë rezultate të larta mund ta shmangin.