Deputeti i PD, Luçiano Boçi e ka cilësuar samit “qokash” takimin e kryeministrave të Ballkanit Perëndimor dje në Durrës. Në një postim në facebook, Boçi komenton edhe mungesën e disa prej kryeministrave të rajonit të cilët sipas deputetit të PD gjetën arsye për të munguar.
Postimi i plotë
SAMIT APO QOKË?! Samiti i Durrësit më shumë se i tillë ishte si qokë vakie ballkanase, për të zotin e shtëpisë, për “varjen” e hapjes së negociatave. Nxirja e Ramës ishte e plotë, ndërsa mungesat e Kryeministrave ishin shpërfillja për atë që kish hapur dyert, mgjs telefonat e stafeve kishin ditë që kërcisnin. Dikush nuk erdhi se binte shi e lagesh. Një tjetër me të drejtë kishte gjëmë më të madhe. Një donte t’i tregonte se jemi “qoftzanë” për gjallë e për vdekje, deri sa të ndryshojnë kufijtë. Të tjerë dërguan zevëndës, sepse “kishin punë” e nuk kishin kohë për të humbur me Ramën. Dhe pritja ishte formë qoke, me shtrëngim formal shabllon duarsh, por dhe biseda. Të njëjtat formula të pandryshuara: -Si jeni, mirë? -integrim evropian -paqe rajonale -treg i përbashkët -kryet shnoshë Litari i krimit, si shkaktari kryesor nuk u përmend asnjeherë, sipas rregullit në fakt. Fjalë të ditura, të dëgjuara, të konsumuara dhe asgjë të re për qytetarët e vendeve. Vulën ja vuri fjala “e nderë”, “prekëse” e Ramës, siç ndodh në vakitë, e mbushur me përvuajtje emotive. E mbyllur sipas premtimit: “Në samite jua shpërblefsha!” Sepse ky, vetëm samit nuk ishte. Në fund: Në gëzime për Ramën….
