Kategoria e pronarëve duket se është më e prekurura nga ngërçi i Gjykatës së Lartë. Vetëm për vitin 2018 në këtë gjykatë janë depozituar rreth 300 dosje pronarësh, të cilët nuk kanë gjetur zgjidhje në shkallët më të ulëta të gjyqësorit. Këto dosje i shtohen rreth 1,200 padive të raportuara nga vetë Agjencia e Trajtimit të Pronave në fund të vitit 2017, shkruan Scan.tv.
300 paditë i drejtohen kryesisht Agjencisë së Trajtimit të Pronës. Përmes tyre pronarët kërkojnë rrëzimin e vendimeve të Agjencisë për moskthim të plotë apo të pjesshëm të pronave, apo dhe vlerësimet e ATP-së për kthim kompensim, të cilat i konsiderojnë të padrejta.
Për fatin e keq të pronarëve, 300 dosjet e depozituara gjatë vitit 2017 i bashkangjiten rreth 26 mijë dosjeve në pritje të shqyrtimit nga ana e Gjykatës së lartë. Ajo tashmë numëron vetëm 4 anëtarë nga 19 të përcaktuar me ligj, për shkak të përfundimit të mandateve dhe shkarkimeve nga Vetting-u. Ata janë Xhezair Zaganjorin, Edmond Islamaj, Medi Bici dhe Ardian Dvorani. 4 gjyqtarët arrijnë të koordinohen vetëm për të shqyrtuar çështjet emergjente me afat, gjë që u lë shumë pak shpresë pronarëve se dosjet e tyre mund të shqyrtiohen në një të ardhme të afërt.
