Nuk kishin kaluar as 10 orë nga sjellja në jetë e princit Louis, djalit të saj të tretë, dhe Kate Middleton ishte në këmbë, duke na treguar edhe një herë se çfarë force e madhe fshihet pas figurës së një nëne. E nëse shembujt e mamave dukesha e kontesha janë shumë larg, në të përditshmen tonë gjejmë pafund raste nënash të cilat rikthehen në formën e tyre më të mirë pa kaluar shumë kohë. Nuk po flasim për modelet e Victoria Secret, që për hir të së vërtetë i kemi zili të gjithë, por për shembuj më të prekshëm. Mes syresh Xhensila Myrtezaj, e cila ka habitur të gjithë me fotografinë e postuar ditën e djeshme në Instagram. Kanë kaluar vetëm 6 javë nga lindja e Ajkës dhe mami Xhensila duket në formë të shkëlqyer.
E veshur me trupore të zeza dhe rozë, Myrtezaj ka pozuar aspak e sforcuar apo duke mbledhur barkun, siç ndodh rëndomtë, dhe duket shumë mirë. Nuk është aspak habi që pas pak javësh ta rishohim në skenë Xhensilën, më të bukur dhe elegante se kurrë më parë.
