Në fillim ministri për Evropën dhe Punët e Jashtme, Ditmir Bushati dhe më pas i konfirmuar nga kryeministri Edi Rama, shprehën vendimin e Qeverisë shqiptare për te pritur 20 prej refugjatëve të anijes humanitare Diciotti, e bllokuar prej ditësh në portin e Catanias, Sicili.
Si Bushati dhe Rama e kanë bërë publike vendimin në intervistat e tyre respektive me gazetën italiane Corriere della Sera.
Bushati gjatë intervistës u shpreh se Shqipëria po i kthen favorin Italisë, për mijra emigrantët shqiptar që në vitet 90 vërshuan drejt brigjeve italiane.
Ndërsa kryeministri Rama, gjatë një interviste tjetër, po me Corriere della Sera, shprehet se: “Nuk po bëjmë tregti me BE” , sipas tij është thjesht një akt njerzor përkundrejt këtyre njerzve “qe pafuqia evropiane i kishte kthyer ne te burgosur”.
Por kur u pyeten nga gazeta italiane se si do të transferohen të 20 emigrantët eritreas, kryeministri përgjigjet se “do të jenë strukturat përkatëse” që do të merren me çeshtjen.
Por cilat janë “strukturat” përkatëse që do presin 20 refugjatët, që me një stil alla “ Robin Hood”, kryeministri shqiptar dhe ministri i tij i jashtëm, betohen se po i mirëpresin, thjesht në emër të humanizmit, pasi pjesa tjetër e Evropës nuk i dëshironte, dhe pa as më të voglin interes në prapavijë?
“Struktura” në fjalë është “Qëndra Kombetare Pritese per Azilkerkues” në Babrru. Por çfarë kushtesh dhe kapacitete ka kjo qëndër dhe a është në gjendje të presë refugjatë të tjerë?
Sipas reportazhit të Top Channel, qëndra e Babrrusë, jo vetëm që nuk ëhstë në gjendje të presë të tjerë por u mbyll dyert edhe atyre që janë regjistruar ndërkohë aty.
Top Channel kontaktoi disa te rinj nga Algjeria dhe Siria që tentuan të largoheshin nga ky kamp drejt Kosovës me qëllim Gjermaninë. Ata u kapën dhe u kthyen mbrapsht nga autoritet shqiptare, dhe natën e kaluan duke fjetur ne dyert e kësaj qendre. Për shumë orë me radhë ndejtën aty, deri sa u ri-pranuan.
“Me lekët që kishim mund të shkonim deri në Kuks. Kukës mbaruan leket dhe policia nuk na la te shkonim ne Kosove. Ca policë na thane jo nga dogana, por nga kufiri. Atje një polic tjetër na thirri na vuri prangat dhe na solli serish këtu”, tregon një prej tyre.
Ata e dine përmendesh rrugën drejt Be=se, dhe nuk kane asnjë dëshire për të qëndruar.
Ata kanë ankesa për kushtet. Për ta kjo është një qendër thjesht për të futur koken.
“Qendra mirë dhe keq. Mire për dush dhe fjetje. Jam keq, jemi të sëmurë. Na ndihmoni”, shprehen ata.
Pavarësisht dëshirës së qeverisë asgjë tjetër nuk është gati. Por shqiptarët sillen mirë. Edhe këta algjeriane denoncojnë vetëm Greqinë për mënyrën e sjelljes.
