Një tjetër aksident ka ndodhur pasditen e sotme në Librazhd. Një furgon thuhet se është përplasur me një tjetër makinë në zonën e quajtur “Kthesa e Murrashit”. Sipas raportimeve, dyshohet për 10 të plagosur.
Ende nuk dihen shkaqet e aksidentit. Sipas policisë, furgoni me targa AA 297 UO u përplas me një veturë me targa DR 3997 F.
Nëntë persona kanë mbetur të plagosur por jashtë rrezikut për jetën.
“Në aksin rrugor Elbasan- Librazhd, në vendi e quajtur ‘Ura e Murrashit’, mjeti mikro autobus me targa AA 279 UO, me drejtues shtetasin B.D., 54 vjeç, banues në Kuçovë, është përplasur me mjetin tip ‘Land Rover’ me targa DR 3997 F me drejtues shtetasin A.N. 35 vjeç, banues në Durrës.
Si pasojë e aksidentit janë dëmtuar 9 pasagjerë të dy mjeteve të cilët janë dërguar në spitalin e Librazhdit dhe janë jashtë rrezikut për jetën. Grupi hetimor po punon për zbardhjen e shkakut të aksidentit”, njofton policia.
