Pasi kishte shtyrë disa koncerte, Pink është rikthyer në skenë në kuadër të turneut “Beautiful Trauma”.
Ajo ka arritur të marrë vëmendjen e të pranishmëve në një prej koncerteve të saj në Brisbane, jo me performancat e jashtëzakonshme, por me një gjest të bërë karshi një 14-vjeçareje.
Kjo e fundit kishte shkruar në një pankartë: “Përshëndetje, emri im është Leah. Jam 14 vjeçe dhe kam mbetur pa nënën time të bukur. Kam nevojë për një përqafim…të lutem!”
Ishte pikërisht ky shkrim që e bëri këngëtaren të ndalte koncertin. Pink iu afrua vajzës 14-vjeçare dhe e përlotur i dhuroi asaj një përqafim të ngrohtë.
