Në “San Paolo” u luajt një ndeshje e çmendur pasi Napoli bëri një përmbysje spektakolare përballë Milanit.
Skuadra napolitane triumfoi me rezultatin 3-2 duke treguar edhe një herë që reagon siç duhet në momente të vështira ndërsa Gattuso ka marrë sërish leksion nga Anceloti por këtë herë si trajner.
Në minutën e 15’ ‘Rossonerët’ kaluan të parët në avantazh me anë të Bonaventuras.
Në fillim të pjesës së dytë, Milan dyfishoi rezultatin me mbrojtësin Calabria.
Vazhdimi i pjesës së dytë i takoi në tërësi Napolit, që fillimisht në minutën e 53’ ngushtoi diferencën me anë të Zielinskit 1-2.
Ishte pikërisht ky lojtar që shënoi një tjetër gol të bukur në minutën e 67’ dhe në këtë mënyrë barazoi rezultatin 2-2.
Në minutën e 80’ vjen goli i fitores për Napolin me Dries Mertens që me portën e boshatisur nuk e kishte të vështirë për të dërguar topin drejt rrjetës.
https://www.youtube.com/watch?v=unjzxghh8MY