Zinedine Zidane vendosi t’i japë fund eksperiencës së tij te Reali i Madridit, ku u bë protagonist duke fituar 3 herë radhazi Ligën e Kampionëve, si askush tjetër në historinë e futbollit.
Por sot, drejtuesit e klubit madrilen kanë vendosur të largojnë edhe një tjetër Zidane që kishte mbetur në skuadër, djali i legjendës franceze, Lukas Zidane.
Ky i fundit ishte portieri i dytë te klubi kryeqytetas, por këtë verë Reali afroi edhe Thibaut Courtois e Andriy Lunin, duke bërë që djali i Zidane të shkojë i katërti në hierarkinë e portierëve.
Pikërisht për këtë arsye drejtuesit e klubit vendosën ta huazojnë në Secunda Division, te skuadra e Elches, ku Zidane do të ketë mundësi të luajë më shumë.
