Facebook hoqi në mënyrë të përsëritur të enjten postime nga reporterja e New York Post, Salena Zito, e cila shkruante se pse përkrahësit e Donald Trump nuk do të ndikohen nga dënimet e Michael Cohen e Paul Manafort.
Facebook i hoqi postimet e Zitos dhe të disa lexuesve me shpjegimin e automatizuar që thoshte: “E kemi kequr këtë postim sepse duket si spam dhe nuk përmbush Standardet e Komunitetit”.
Pasi Zito dhe gazetarë të tjerë i shkruan Facebookut për të shqyrtuar çështjen, ai i riktheu postimet pa dhënë shpjegime. Artikulli i saj, me titull “Pse përkrahësit e Trumpit nuk do të duan t’ia dinë për dënimet e Cohen e Manafort”, thotë se ata që votuan për Trump më 2016 nuk do të tërhiqen nga votimi për të edhe më 2020 për shkak të dënimit të kohëve të fundit të ish-manaxherit të fushatës Paul Manafort apo akuzave ndaj ish-avokatit të tij, Michael Cohen.
Zito shkruan: “Pas lajmeve të së martës se si ish-manaxheri i fushatës së Trump, Paul Manafort, ashtu dhe avokati i tij, Michael Cohen, janë gjetur fajtorë për çështje të ndryshme nga njëra tjetra në gjyq, pyetja që ngrihet më tepër tani nga shtypi, Demokratët dhe Republikanët anti-Trump është “Ku shkojnë tani votuesit e Trumpit?”.
Përgjigjja është e njëjtë me atë që kanë marrë çdo ditë që kur nisën të bënin pyetjen më 9 nëntor 2016: Me Trumpin”.
Ajo dha në detaje një bisedë me një grua në mes të dyzetave e cila jeton në rrethinat e Columbus, Ohio, një shtet përcaktues në zgjedhje, e cila votoi për Trump më 2016 dhe ende e përkrah atë, pavarësisht ngjarjeve me Manafort e Cohen. Gruaja, e cila dëshironte të mbetej anonime, i tha Zitos:
“Për dekada kam qenë frymëzuar nga politikanë aspirues dhe zyrtarë të zgjedhur që hipnin në podiume apo dilnin para kamerave dhe mbanin fjalime poetike për të fituar besimin dhe përkrahjen time. Ata më bënin për vete me fjalë të mëdha dhe premtime të formuluara bukur. M’u desh ca kohë të kuptoja se ato nuk ishin fjalët e tyre, por fjali të shkruara me kujdes të rregulluara e testuara nga një staf i plotë artikujshkruesish e strategësh”.
Gruaja shton se ndonëse nuk i mbushet mendja nga gjithçka që ai shkruan në Twitter, fjalimet e tij i duken të vështira për t’u çkoduar dhe nuk i pëlqen morali i tij, ajo sërish do të votonte për Trump pasi “ka arritur rezultate”. “Është gjë e thjeshtë”, tha. Ajo përmendi ligjin për reformën e taksave, ribërjen e gjyqësorit, anulimin e rregulloreve që ka përmirësuar kushtet ekonomike në Ohio, zgjedhjet e tij për Gjykatën e Lartë dhe mënyrën me të cilën i kundërvihet establishmentit në të dyja partitë.
Zito përmbledh se pse përkrahësit e Trump do të vazhdojnë ta përkrahin: “Ky koalicion i ri konservativ populist nuk është rastësia që klasa politike shpresonte të ishte. Donald Trump nuk e shkaktoi atë, ai është rezultat i tij, kështu që pavarësisht se çfarë bën (Trump), ai vazhdon. Koalicioni është një goditje jo vetëm për shurdhërinë në Kongres e Shtëpinë e Bardhë bashkë por edhe npër nivelet e lartë të inkompetencës, neglizhencës dhe performancës së dobët nga agjencitë, si dhe nga shpërbimet e paafta sociale, burokracia e mpirë dhe e paaftë, luftërat e pafund dhe marrëveshjet e traktatet shumëkombëshe që nuk u sjellin dobi njerëzve të zakonshëm. Këta votues e dinin cili ishte Trump, e dinin që ishte martuar tri herë, kishte pasur lidhje me femrat e Playboy dhe me moralin e një mace rrugësh. Ata ishin të gatshëm të shihnin përtej gjithë këtyre gjërave për shkak të dështimit të institucioneve në komunitetet e tyre për tre presidenca me radhë. Pikërisht tani vlera e Trumpit për votuesit e tij është që ai qëndron midis tyre dhe kthimit të çelsave të Washingtonit njerëzve brenda Washingtonit. Kjo është. Duhet të zgjedhësh midis tij dhe atyre”.
Zito pastaj shkruan për vështirësitë e Partisë Demokratike për të gjetur Trumpin e saj, teksa disa anëtarë të saj po kandidojnë me platforma diametralisht të kundërta me të. Ajo shkruan se “ne kemi aktualisht dy parti, partia e elitës qeverisëse dhe partia e Trumpit”.
