Ish-badigardi i princeshë Dianës ka kritikuar princ Harry-n për faktin se vorbulla mediatike që ka përfshirë familjen mbretërore së fundmi , është faji i tij dhe i askujt tjetër. Ken Wharfe, i cili ka qenë mbrojtësi personal i Dianës tha në një intervistë për Yahoo!’s Royal Box se sjellja e Harry-t ka dëmtuar reputacionin e familjes mbretërore.
“Nuk mendoj që kanë pësuar zhgënjim nga njerëzit, ata kanë zhgënjyer vetëveten,” tha 69 vjeçari.
“Harry doli në publik me një veshje naziste në 60 vjetorin e përkujtimores së Holokaustit. Ai nuk e bëri me qëllim pasi ishte një festë private, por duhet të kishte menduar më gjatë kur ftoi një tufë me vajza që kishin celularë në duar brenda dhomës së tij,” tha Wharfe.
“Të gjitha këto gjëra kanë dëmtuar reputacionin e tij dhe të familjes, e nuk mund të fajësohet askush përveç tij. Por edhe mbrojtja e mbretërisë duhet të kishte reaguar.”
Wharfe tha se Harry duhet ta kishte ndihmuar Thomas Markle, e jo ta linte në baltë.
“Duka duhet të kishte këmbëngulur që të dërgoheshin përforcime të Thomas, për të përballuar sulmin dhe vëmendjen mediatike,” tha ai.
“Ai është djalë i zgjuar, di si të luajë me mediat, por zoti Markle nuk di. Është faji i Pallatit Mbretëror që nuk u mor me problemin që në fillim, në vend që ta injoronte totalisht,” përmbylli intervistën Wharfe.
