Presidenti i SHBA-ve Donald Trump ka insistuar se ai nuk do të tërhiqet nga qëndrimi i tij lidhur me burgosjen e një pastori amerikan në Turqi.
“Unë mendoj se është shumë e trishtueshme ajo çfarë Turqia po bën”, tha ai. “Unë mendoj se po bën një gabim të tmerrshëm, nuk do të ketë lëshime”.
Ai tha se kishte menduar se Turqia do të lironte pastorin Andrew Brunson, pasi SHBA ndihmoi duke bindur Izraelin për të liruar një qytetar të ndaluar turk.
Brunson mohon akuzat se ai ishte pjesë e një komploti kundër presidentit të Turqisë.
Trump ka vendosur tarifa për importet e çelikut dhe aluminit turk në përgjigje të refuzimit të Presidentit Rexhep Tajip Erdogan për të liruar Brunson.
Brunson mbahet në Turqi për gati dy vjet mbi lidhjet e dyshuara me grupet e jashtëligjshme politike.
Grindja diplomatike ka përkeqësuar krizën për monedhën turke, lira, e cila ka humbur rreth një të tretën e vlerës së saj ndaj Dollarit që nga Janari.
Të hënën, Trump i kërkoi Erdogan të lirojë Brunson në këmbim të një të burgosuri turk të liruar nga Izraeli, shkruan BBC.
“E nxorra atë person nga burgu për të”, tha Trump. “Unë pres që ai të lirojë pastorin i cili është një njeri i mrekullueshëm”.
Turqia i ka kërkuar Uashingtonit të dorëzojë Fethullah Gulen, një klerik turk në SHBA të dyshuar në një komplot grushti kundër presidentit Erdogan, por SHBA ka refuzuar.
