Flamurtari blindon mbrojtjen, vijnë Alla dhe një rumun

Flamurtari ka kompletuar edhe qendrën e mbrojtjes, një repart ku trajneri Daja kishte kërkuar përforcime, qoftë për të rritur cilësinë, por edhe për të plotësuar numrat.

Kështu mbrëmjen e sotme janë prezantuar në ambientet e klubit kuqezi dy qendërmbrojtës, pogradecari Albi Alla dhe rumuni Cristian Sarghi.

I pari u largua paraditen e sotme nga Kukësi dhe menjëherë gjeti gjuhën e përbashkët me vlonjatët, ku edhe shkoi për t’u vënë nën urdhrat e Dajës.

Sa i përket rumunit, bëhet fjalë për një mbrojtës 32-vjeçar, që ka luajtur me disa skuadra në Rumani, së fundi me Gaz Metan dhe kishte arritur akordin prej ditësh me vlonjatët, por vetëm sot nënshkroi kontratën.

 

PËRGJIGJU

Please enter your comment!
Please enter your name here