Juventusi e ka nisur me fitore sezonin e ri në në Serie A.
‘Zonja e Vjetër’ ka arritur që pas shumë vuajtjeve të marrë pikët e plota në transfertë përballë Chievos të cilën e mposhti 2-3 me golin e fitores që erdhi në minutën e 93’.
Cristiano Ronaldo ka debutuar sot me fanellën e Juventusit në Serie A, por jo edhe në mënyrën më të mirë.
Pesë herë fituesi i “Topit të Artë”, nuk arriti të lërë gjurmë në ndeshjen e parë me bardhezinjtë. Juventusi e filloi furishëm këtë ndeshje, ku që në minutën e tretë shënon Sami Khedira.
Chievo kthehet në lojë pasi arrin ta barazojë rezultatin në minutën e 38 me një gol te Mariusz Stepinskit.
Pjesa e parë përfundoi me rezultat 1-1.
Në pjesën e dytë pritej që Juventus të udhëhiqet nga Ronaldo të kthehet në lojë por kjo nuk ndodhi.
Në minutën e 56’të akordohet penallti për Chievon të cilën në gol e shndërron Emanuele Giaccherini.
Juventus nuk u dorëzua dhe vazhdoi sulmet në drejtim të portës kundërshtare duke arritur që të shënojë në minutën e 75, kësaj here nëpërmjet Bonuccit.
Juventus shënoi edhe një gol në minutën e 86’të, por ai u anulua nga VAR me Ronaldon që kishte shkaktuar faull.
Por, kur mendohej që ndeshja do të përfundon me rezultat 2-2, në skenë doli Bernardeschi i cili shënoi gol në minutën e 90’të.
https://youtu.be/lCiS-_koUX8
