Robert De Niro shuan 75 qirinj sot më 17 agosto.
“Talenti qëndron tek zgjedhjet”, ka thënë një herë aktori. E si të mos i japësh të drejtë?
Po të shfletosh kurrikulumin e tij, nga vitet ’70 në vitet 90 ka qenë protagonist i një sërë kryeveprash, që nga “Ishte një herë Amerika”, tek “Padrino, pjesa e II-të”, duke kaluar tek “Taxi Driver” dhe “Gjuetari”.
Legjenda e gjallë e kinemasë botërore, ka interpretuar në më shumë se 100 filma duke marrë dy çmime Oscar.
Ikonë transformimi në set dhe model i profesionalizmit dhe perfeksionit, u bë aktori i preferuar i Martin Scorsese (me të cilin, veç të tjerash po xhiron filmin ‘Irlandezi’, në krahë të Al Pacino) dhe ka punuar me regjisorët më të mëdhenj të të gjitha kohërave si Francis Ford Coppola, Brian De Palma, Sergio Leone, Bernardo Bertoluçi, Barry Levinson, Michael Cimino.
Dalja e parë në “Ciao America!” (1968) i De Palma-s, ‘shpërtheu’ falë rolit në “Mean Street” (1973) të Scorsese, me të cilin ka të lidhur edhe suksese të tjera në filma si “Taxi Driver”, “New York, New York”, “Demi i tërbuar”, “Mbret për një natë”, “Good fellows”, “Cape Fear”, “Casinò”.
Karriera e tij nuk ka njohur kurrë ngecje dhe në 50 vite karrierë në ekranin e madh të kinemasë ka skalitur një sërë personazhesh ‘të pavdekshëm’.
Në kujtesën kolektive të çdo të apasionuari do mbeten rolet e tij në filmat “Novecento”, “Na ishte një herë Amerika”, “Brazil”, “Frankenstein di Mary Shelley”, “Jackie Brown”, “Heat”.
Nga vitet ’90 nisi të alternojë filmat dramatikë me komedi, duke nisur në 1988-n nga filmi ‘Para mesnate’, ‘Nuk jemi ëngjëj’, duke kaluar më pas tek ‘Terapi dhe Plumba’, ‘Një boss nën stres’, për të mbërritur tek trilogjia komerçiale ‘Të prezantoj të mitë’, ‘Më prezanton të tutë?’ dhe ‘Ju prezantojmë tanët.’
Është emëruar 7 herë për në Oscar, duke arritur të fitojë dy statujëza në dy raste: në 1975-n si aktkori më i mirë jo protagonist për ‘Padrino’, dhe në 1981-shn si aktori më i mirë protagonist tek ‘Demi i Tërbuar’.
Përveç aktivitetit si aktor, në 1989-n ka themeluar shtëpinë e tij kinematografike ‘TriBeCa Productions’.
Në 2002-shin qëndron pas lindjes së ‘Tribeca Film Festival di New York’, për të ndihmuar lagjen e tij të rimëkëmbet pas atentatit të 11 shtatorit.
Në 1993-shin debutoi edhe si regjisor, përveçse aktor në filmin “Bronx”, e më pas, në 2006-n drejtoi filmin “The Good Shepherd.
