Frika që mbërtheu Manchester City-n të mërkurën është kthyer në realitet. Kevin De Bruyne do t’i mungojë Pep Guardiolës për gati 3 muaj për shkak të dëmtimit në ligamentin e gjurit.
Lajmin e ka bërë të ditur klubi i Mancheste City-t, i cili sqaron se pas dhimbjeve që mesfushori ndjeu ne ligamentin e gjurit të djathtë, është konfirmuar dëmtimi i ngjashëm me atë të para dy viteve.
Si rrjedhojë pritet që 27-vjeçari të humbasë më shumë se 14 ndeshje në “Premier League”, por edhe pothuajse të gjithë fazën e grupeve në “Champions League”.
