Sistemi VAR, video asistentit të gjyqtarit ka kohë që ka filluar të praktikohet në disa liga futbolli. Së fundmi, ky sistem është praktikuar edhe në botërorin Rusi 2018 dhe duket se po i ndihmon shumë gjyqtarit.
Ky sistem, është aplikuar edhe në ndeshjen e Superkupës së Spanjës mes Sevijës dhe Barcelonës. Në këtë ndeshje, goli i parë i shënuar nga Sevilla është anuluar për pozicion jashtë loje, por pas konsultimit me VAR-in është quajtur i rregullt.
Por, si ndodhi ky konsultim? Në Spanjë është publikuar një video e cila tregon komunikimin mes gjyqtarit kryesor dhe atyre të sistemit VAR.
