Vazhdojnë kontrollet e policisë rrugore në kryeqytet për kapjen e drejtuesve të cilët shkelin rregullat e qarkullimit rrugor.
Nga kontrollit i fundit me efektivë civilë në rrugët urbane, policia përgjatë 48 orëve të fundit, ka konstuar një numër të madh drejtuesish të mjeteve të cilët përdorin telefonin gjatë drejtimit, shkelin semaforin, drejtojnë në gjendje të dehur apo nuk kanë lejë drejtimi.
Njoftimi i plotë i policisë
Tiranë
Vijojnë kontrollet, nga rrugoret e kryeqytetit me efektivë civile në rrugët urbane, me objekt kryesor një sërë shkeljesh të rrezikshme dhe shqetësuese për përdoruesit e rrugës, siç janë, përdorimi i celularit gjatë drejtimit të mjetit, mospërdorimi i kaskës mbrojtëse nga drejtuesit e motomjeteve dhe çiklomotorrëve, mospozicionimi në korsinë e duhur të lëvizjes, kryesisht në kryqëzimet kryesore të kryeqytetit, qarkullimi në korsitë e dedikuara për shërbimin publik dhe biçikletat, respektimi i sinjalizimit rrugor etj;
Kontrollet në funksion të këtij Plani janë shtrirë në të gjitha rrugët dhe kryqëzimet e evidentuara si problematike ndaj këtij fenomeni të alternuara përgjatë 48 orëve të fundit nga të cilat janë konstatuar dhe proceduar administrativisht :
• 95 drejtues mjetesh për përdorim celulari
• 58 drejtues motomjtesh për mospërdorim të kaskës mbrojtëse
• 76 drejtues mjetesh për pozicionim të gabuar në zonën e kryqëzimit
• 36 drejtues mjetesh për qarkullim në korsinë e dedikuar të shërbimit publik
• 15 drejtues mjetesh për shkelje semafori
• 82 mjete të ndaluara administrativisht për detyrime administrative të pashlyera
• Janë arrestuar 6 drejtues mjetesh të papajisur me leje drejtimi
• Jane arrestuar 3 drejtues mjetesh për drejtim mjeti në gjendje të dehur.
Duke ju uruar një ditë të mbarë, ju kujtojmë se Para se të nxitoni për të shkelur rregullat, mos harro..
