Këngëtarja me origjinë shqiptare Rita Ora nuk di të ndalet dhe suksesi i saj tashmë ka prekur majat. Është e dyta herë që artisten do ta shohim në rolin e moderatores, pas prezantimit të eventit MTV Europe Music Awards një vit më parë. Këtë herë, organizatorët e MTV Video Music Awards 2018 i kanë besuar këngëtares shqiptare drejtimin e kompeticionit që do të mbahet të hënën më 20 gusht. Lajmin e ka dhënë vetë këngëtarja e njohuir përmes një postimi në Instagram.
“Shihemi të hënën më 20.08.18#Vmas #lonelytogether”- shkruan ajo duke e shoqëruar edhe me një foto të sajën. Këngëtarja me origjinë shqiptare është e nominuar në kategorinë “Best dance” për hitin e saj me këngëtarin Avicii “Lonely Together”. Kështu është ajo dhe konkurrente përveçse moderatore.
Po ashtu të nominuara për videon më të mirë janë edhe dy këngëtaret e tjera shqiptare, Dua Lipa në katër kategori dhe Bebe Rexha në një kategori.
