Një nga të shoferët e mbijetuar nga shembja e urës Morandi në Genova të Italisë ka treguar momentet dramatike që ka përjetuar si dhe si arriti të mbijetojë.
Në një prononcim për mediat italiane, shoferi i një kamioni tregon se ai fillimisht ka ndjerë një zhurmë të madhe dhe më pas ka ‘fluturuar’ bashkë me kamionin e tij poshtë. Ai ka thene se arriti të shpëtojë, pasi ka dalë nga mjeti.
“Nuk më kujtohet shumë mirë, por ndjeva një zhurmë të madhe dhe më pas u rrëzova me kamionin tim. Arrita të dal jashtë kamionit. Mendoj se është një mrekulli që arrita të mbijetoj. Kam disa plagë në shpatull dhe disa gërvishtje të tjera në trup”- ka thënë shoferi i kamionit.
Deri më tani nga shembja e urës kanë humbur jetën 35 persona, ndërsa dhjetëra të tjerë kanë mbetur të plagosur.
