Policia e Korës ka prangosur sot, një person i cili qarkullonte në qytet me armë zjarri pa leje. Për pasojë, sipas Policisë, mësohet se është sekuestruar arma e zjarrit tip pistoletë, si edhe 7 fishekë luftarak.
Sipas Policisë, i arrestuari ishte me precedentë penalë.
Njoftimi i Policisë
Shërbimet e Komisariatit të Policisë Korçë, gjatë ditës së sotme kanë vijuar me kontrollet për evidentimin dhe goditjen e çdo rasti që përbën vepër penale.
Në këtë kuadër është bërë e mundur kapja dhe arrestimi në flagrancë i një shtetasi me precedentë kriminal të mëparshëm i cili lëvizte në qytet me armë zjarri pa leje, konkretisht:
Teodor Grazhdani, 31 vjeç, banues në Korçë, (i dënuar më parë për veprën penale “Vjedhja me armë”).
Arrestimi i tij u bë pasi, gjatë kontrollit fizik që Policia ushtroi ndaj këtij shtetasi në lagjen nr. 14 Korçë, në afërsi të një lokali, në çantën e tij të supit iu gjet e sekuestrua në cilësinë e provës materiale një armë zjarri tip pistoletë me një krehër të mbushur me 7 fishekë luftarakë të cilat shtetasi i mësipërm i posedonte pa leje.
Materialet i kaluan Prokurorisë të Rrethit Gjyqësor Korçë për veprime të mëtejshme bazuar në nenin 278/2 të Kodit Penal.