Ish-ministri i Drejtësisë Ylli Manjani ka reaguar ndaj qëndrimit me dy standarte që mban KPK ne seancat e vettingut.
Ai ka marrë rastin e dy gjyqtarëve nga Vlora të cilët u akuzuan për njohje me të njëjtin person, I konsideruar nga DSIK “kontakt i papërshtatshëm”, por njëri nga gjyqtarët e kaloi vetingun kurse tjetri jo.
Jo pa ironi, Manjani shkruan se “Kaluesi” i vetting, qartësisht e ka lidhur kalin në “vendin e duhur”, pra tek qeveria.
Postimi i plotë i Ylli Manjanit
Një ngjarje nga vettingu.
Dy gjyqtarë, të dy nga Vlora, të dy të akuzuar për njohje me të njëjtin “kontakt të papërshtatshëm”, njëri kalon vetting-un ndërsa tjetri jo!
“Kontakti i papërshtstshëm” paska qenë me “fat” për njërin dhe “ters” për tjetrin. Gojët e liga, sugjerojnë që “kontakti” është mik me qeverinë e sotme.
Sidoqoftë, ligjërisht ky trajtim i pabarabartë quhet Diskriminim! Pabarazia para ligjit është rregull sundues në ligjet e pushtetit.
“Kaluesi” i vetting, qartësisht e ka lidhur kalin në “vendin e duhur”, pra tek qeveria.
“Ngelësi” lufton me argumente e prova… Të shohim kolegjin! Por, vështirë…
OMN proteston për çdo rast, por jo për këtë!
Asnjë çudi!
RamaForma këtë fytyra ka!
