Berat Gjimshiti gjendet në një udhëkryq për të ardhmen e tij. Mbrojtësi i Kombëtares shqiptare, kërkohet në Rusi, nga klubi i Krasnodarit, por në orët e fundit është vetë klubi i Atalantës që po mendohet mirë para se ta lërë të lirë.
Pas dëmtimit të një prej mbrojtësve të skuadrës, Varnier, tek zikaltrit ndjejnë se kanë nevojë për shërbimet e Gjimshitit, gjithsesi, trajneri Gasperini nuk është se e ka pasur ndonjëherë në plan të parë shqiptarin. Tashmë, tek Atalanta nuk dinë çfarë të bëjnë me të ardhmen e mbrojtësit…
