Ndërtesa më e lartë në Evropë është pothuajse e përfunduar. E ndërtuar si një kompleks i ri përballë ujit në Shën Petersburg, kulla “Lakhta” ka një lartësi prej 462 metra, duke e bërë atë ndërtesën e parë të qytetit “super të lartë”.
Struktura tani është rrokaqielli më verior i botës, sipas zhvilluesve të saj. Kulla prej 87 katëshe kthen në 90 gradë të plotë nga themelimi deri në majën e saj, si një gjilpërë dredha-dredha. Kjo e bën atë një nga shembujt më të veçantë në botë të një “rrokaqiell” të përdredhur.
Lartësia e saj është e kompensuar nga një ndërtesë më e ulët për përdorim të ndryshëm me një fasadë prej 260 metrash.
Hapësira e banimi dhe komerciale do të instalohet deri në një lartësi prej 360 metrash, mbi të cilat një kuvertë vrojtimi dhe restoranti do të ofrojnë pamje të mahnitshme mbi Gjirin e Finlandës.
Qendra Lakhta merr titullin e ndërtesës më të lartë të Evropës nga “Moscow’s Federation Tower”, e përfunduar më 2017, e cila qëndron 374 metra.
Punimet për ndërtimin e qendrës Lakhta nisën në terren në vitin 2012 dhe do të shërbejë si selia e gjigantit rus të gazit Gazprom, i cili po kryen ndërtimin përmes një filiali. Firma është vendosur të zhvendoset në ndërtesë në fund të vitit 2019.
Sipas Philip Nikandrov, një nga arkitektët e përfshirë në projekt, pjesa e jashtme e ndërtesës do të përfundojë deri në fund të kësaj vere, edhe pse pajisja e brendshme do të vazhdojë në 2019.
Imazhet tregojnë siluetë mbresëlënëse të kullës kryesore, e cila është projektuar për të simbolizuar një flakë – tipar dallues i logos së Gazprom.
