Një grua 28 vjeçare, e cila mbuloi të gjithë fytyrën, është bërë gruaja e parë në Danimarkë e cila është gjobitur për një vepër të tillë.
Kjo gjobë vjen pas vendimit të ri që e ndalon një gjë të tillë, e i cili hyri në fuqi të mërkurën.
Gruaja erdhi në vëmendjen e policisë, pas një përleshje që shpërtheu mes saj dhe një gruaje tjetër në një qendër tregtare në rajonin verilindor të Nordsjaelland.
28 vjeçares iu bë e ditur se do të duhej të paguante 1.000 kron (134 euro) pasi refuzoi të hiqte mbulesën, raporton Euronews, transmeton Klan Kosova.
Përveç kësaj, 28 vjeçarja në fjalë dhe gruaja tjetër u akuzuan nga policia edhe për shkelje të rendit dhe qetësisë.
Që prej të mërkurës, gratën që veshin Nikab në Danimarkë gjobiten 1,000 krona. Ato të cilat vazhdimisht e përserin këtë gjë gjithashtu mund të dënohen me deri në 10,000 krona(1,340 euro).
