Janë zhdukur të premten në afërsi të një liqeni në Adiyaman të Turqisë, 3 motra siriane.
Raportimet mediatike thonë se 3 motrat, binjaket 16-vjeçare Rav dhe Karam së bashku me 15-vjeçaren Viem Gadda?, u larguan nga qendra e akomodimit në Adiyaman për t’u freskuar në Digën e Ataturkut.
Adoleshentet nuk u kthyen më në kamp, duke detyruar kështu familjarët e shqetësuar t’u drejtohen për ndihmë autoriteteve.
Në zonë nisën menjëherë kërkimet për të rejat, këpucët e të cilave u gjetën në breg të liqenit. Kërkimet po mbështeten edhe nga palombarët, por deri më tani pa rezultat.
Në Turqi kanë gjetur strehim miliona sirianë që u larguan nga vendi i tyre pas shpërthimit të luftës civile në vitin 2011.
