Publiku është gjithnjë kurioz të dijë për historitë e dashurisë të personazheve të njohur të ekranit.
Pavarësisht se vendi ynë është i vogël dhe gjërat merren vesh shumë shpejt, Adelina Berisha ia kishte dalë shumë mirë ta mbante të fshehtë lidhjen e saj kjo deri tani. “Bluetooth” ka zbuluar ditën e sotme se këngëtarja e njohur është në një lidhje me djalin e deputetit të Durrësit Lefter Koka, Arbrin.
Sipas “Bluetooth” Arbri dhe Adelina janë takuar në vendin tonë nga shoqëria e përbashkët, e duket se nga ajo ditë, ata po kalojnë përherë e më shumë kohë në shoqërinë e njëri-tjetrit, tashmë si dy të dashuruar. E pikërisht kjo histori e re dashurie ka bërë që Adelina të udhëtojë më shpesh nga Prishtina drejt Shqipërisë e po të njëjtën gjë bën edhe Arbri. Çifti momentalisht ka zgjedhur të pushojë në jugun e Shqipërisë, në Jalë duke bërë kështu daljen e tyre të parë publike.
